Aurora lucis rutilat, text

Aurora Lucis Rutilat

Aurora lucis rutilat cælum resultat laudibus mundus exsultans iubilat, gemens infernus ululat

Cum ille rex fortissimus mortis confractis viribus pede conculcans tartara solvit catena miseros.

Ille, quem clausum lapide miles custodit acriter triumphans pompa nobili victor surgit de funere.

Inferni iam gemitibus solutis et doloribus, quia surrexit Dominus resplendens clamat angelus.

Esto perenne mentibus paschale Iesu, gaudium et nos renatos gratiae tuis triumphis aggrega.

Iesu, sit tibi gloria, qui morte victa prænites, cum Patre et almo Spiritu, in sempiterna sæcula. Amen.

Källor